Function                         *各位Edwin fans如果想一齊出function既話, send個mail比我地啦.

03年Function  02年Function  Edwin入行前

 ::  超級無敵有獎Fun ::

 日期：2005.03.27
 時間：下午3:00
 活動：超級無敵有獎Fun
 地點：秀茂坪商場
 蕭公子著乜: 黑色t-shirt + 黑色毛褸

好耐冇出過function啦~ 今日去左秀茂坪商場, Edwin 一黎到就o係側邊做左d訪問, 之後無幾耐個活動就開始啦. 首先edwin唱左"零度愛情", 跟住就開始抽獎啦~ edwin o係抽獎o個陣o係度玩...想連個得獎者個名同電話no. 都讀晒出黎....跟住個司儀即刻stop左佢~ :P 跟住完左抽獎, edwin又做左陣訪問就走la.

 

 :: 電影"失驚無神"首映 + 非一般的「Smirnoff俄羅斯嘉年華」  ::

 日期：2004.05.13
 時間：晚上9:00
 活動：電影"失驚無神"首映
 地點：旺角GH
 蕭公子著乜: 黑色t-shirt + 藍色牛仔褸 + 啡色褲  

 今日Edwin去左旺角GH出席"無驚失神"既首映, 佢去到同d 記者做完訪問之後, 就同一大班演員o係個佈景版o個度影左一輪相, 佢地侍介紹一個演員既時候, 佢地都會走出黎擺返個pose. 之後佢地就入去睇戲lu~~ 不過因為Edwin之後仲有其他活動要去,所以佢睇左一陣就走先啦.

 :: 電台活動  ::

 日期：2004.05.10
 時間：下午3:00
 活動：電台活動
 地點：又一城
 蕭公子著乜: 藍色t-shirt + 啡色褲 + cap帽

 今日Edwin o係又一城不停咁去d 食肆度試食~ 佢都去左成4,5間左右,佢食左越南菜、上海菜、意粉屋．．．o係搭扶手電梯上去意粉屋o個陣,Edwin就問之後去邊度試食,佢一見到麥當勞o個陣佢就好開心咁指住話去食麥記~ 之後佢就繼續佢今日既工作...去試食啦~ Edwin到大約成6點先試食晒咁多間,食左咁多餐.....Edwin仲話今晚唔駛再食飯tim~

:: 「RTHK 1 選民登記活動」  ::

 日期：2004.05.09
 時間：下午2:00
 活動：「RTHK 1 選民登記活動」
 地點：何文田廣場
 蕭公子著乜: 藍色帽 + 黑色t-shirt + 大會t-shirt + 迷彩褲

 今日Edwin去左何文田廣場,佢黎到o個陣大會請各歌手上台o係張勁大+假既登記選民form度簽名,Edwin就o係最後簽署o個個位度簽左佢個名,之後佢再o係日期o個度想寫返今日個日期~~ 點知.....Edwin記錯左日期佢以為係4月8日lor~~  -____-" 人地講返佢知既時候佢仲話乜原來已經5月9日架啦~ 佢即刻面都紅埋,ha ha.... 跟住Edwin落返台一陣, 見到佢坐o係度o個陣一路o係度搞d大會派比人既飛碟,仲不停咁摺埋d飛碟收埋o係自己個褲袋裡面~

 之後Edwin再上台同現場觀眾玩game,之後再唱左"失戀料理"同埋"假如我是假的"~ 佢唱"假如我是假的"o個陣有part 唔記得左歌詞, 佢即刻望落台要我地提~ 之後到再後一part o個陣Edwin就話我記得架啦~ Edwin一路唱一路飛d飛碟落台,我地又驚比佢掟到wor,跟住見佢掟晒手o個d之後,佢就o係佢既褲袋度拎返佢預先收埋o個d出黎再掟過~~ 之後唱完首歌Edwin就走啦~

:: 《廉政行動2004》 宣傳活動  ::

 日期：2004.04.24
 時間：下午2:30
 活動：《廉政行動2004》宣傳活動
 地點：奧海城二期
 蕭公子著乜: 白色shirt + 牛仔褲

 今日Edwin出席左《廉政行動2004》 既宣傳活動, 佢介紹左自己個角色, 跟住又同其他演員玩遊戲, 一開始佢地係分2組跟住各搵一個人著起一個板,其他人就會掟d 波拎到痴上o個塊板度~ Edwin一路掟一路越行越近,跟住直頭走埋去痴d波上個板度~呢次係Edwin佢地o個隊win左架~  之後個games就係玩層層疊,不過今次Edwin佢地就lose左.

:: 《醫心無悔》慈善首映  ::

 日期：2004.04.14
 時間：晚上7:30
 活動：《醫心無悔》慈善首映
 地點：會展
 蕭公子著乜: 粉紅色t-shirt +  白色皮褸 + 藍色褲

 今日Edwin出席呢個首映，佢太約7點半左右就到左會場，之後開場前Edwin同埋一眾演員都上台講幾句野先~ Edwin就話佢拍呢部戲之前唔認識醫生呢樣工作，咁開拍之前佢就同一個醫生（呢個醫生就係Edwin所扮演既角色）傾過計，同了解下佢地既工作咁~ 完場o個陣Edwin都有同在場既fans傾下計同影相~~ 之後stay左一陣Edwin就走啦~
呢部戲係為左仁濟醫院籌款而拍既~ o係黎緊呢一個月會o係各大商場同埋街度發售vcd 作籌款

:: 懷智會步行2004 + 沙田區撲滅罪行活動閉幕禮  ::

 第一場-- 

 日期：2004.02.29
 時間：上午10:00
 活動：懷智會步行2004
 地點：山頂廣場
 蕭公子著乜:藍白色運動套裝

 Edwin一早十點幾左右就到大現場,直至差唔多十一點個function先開始,呢個function edwin係去主持個開步禮,之後幫手呼籲.跟住edwin 接受左d訪問咁個function就完左啦.

 第二場--

 日期：2004.02.29
 時間：下午2:00
 活動：沙田區撲滅罪行活動閉幕禮
 地點：沙田新城市廣場
 蕭公子著乜:同之前一樣

 到呢個function,edwin唱左2首歌,唱左"好世界"同埋"失戀料理".

:: IRiver 宣傳活動 ::

 日期：2004.02.08
 時間：下午2:00
 活動：IRiver 宣傳活動
 地點：銅鑼灣恆隆中心百老匯
 蕭公子著乜:深灰色t-shirt + 黑色褸

 今日edwin去左百老匯幫IRiver搞宣傳活動,今日主要係一個簽名會,edwin幫在場既fans簽poster同埋影相,咁有fans即場買機o個陣,edwin都好似好pro咁介紹返部機同sell下部機~haha,佢唔做歌星既話怕且都可以轉做sales :P

:: 百事音樂風雲榜新星終極前哨戰  ::

 日期：2004.02.01
 時間：晚上8:00
 活動：百事音樂風雲榜新星終極前哨戰
 地點：九展
 蕭公子著乜:藍色背心+西色西裝
 
 今日Edwin set左個頭係有一撮藍色既駁髮o個度,好型架~haha
 一開始Edwin就同shine出黎一齊唱左首周杰倫既"安靜",跟住Edwin就留o係度同參賽者分享d感受,Edwin係呢個比賽第一屆既魅力新星大獎既得主,佢提返以前參賽o個陣個司儀同佢傾計,令佢放鬆左好多~ 之後Edwin就唱左"你想我點"就完左呢一part啦. 其實中途Edwin有個function o係葵青架,本身以為Edwin過左去做function,會趕唔到返黎做endi ng,點知ending o個陣Edwin無啦啦彈出黎喎!!haha...佢之後仲話係咪以為佢唔會再出黎,見到我地個個呆晒咁坐o係度~ :p

:: 中西區防火嘉年華  ::

 第一場-- 
 
 日期：2004.01.11
 時間：下午2:00
 活動：中西區防火嘉年華
 地點：上環假日行人坊(摩利臣街)
 蕭公子著乜: 好有型既消防制服 ^^
 
 Edwin今日玩制服誘惑wor~haha,因為佢係中西區防火之星,所以佢著左套消防人員既制服出黎~ 個function一開始有好多人致詞,咁edwin就同其他嘉賓一齊坐o係台上聽. 後來有一part係個嘉賓話今日個function係有雪糕贊助既,edwin就即刻望住架雪糕車o係度笑,佢個樣係勁為食~好明顯佢就想食雪糕啦~!! 咁後來完左致詞o個part之後,Edwin o係台上同現場既人玩問答遊戲,基本上佢問問題o個陣都比晒貼士d人架啦~玩左2 round,跟住呢個function就咁就完左啦~我地又要飛去下一個function地點啦

 第二場-- 
 
 日期：2004.01.11
 時間：下午4:00
 活動：環球嘉年華2003 - 04慈善義賣及簽名會
 地點：金鐘添馬艦環球嘉年華
 蕭公子著乜: 灰色t-shirt+灰色外套+藍色運動褲 
 
 去到環球嘉年華,我地去左排隊啦~ 呢個function係慈善義賣黎既,就係$40買張poster比edwin簽名同可以影相~

:: 十大勁歌金曲頒獎典禮  ::

 日期：2004.01.10
 時間：晚上8:00
 活動：十大勁歌金曲頒獎典禮
 地點：香港紅磡體育館
 蕭公子著乜:  

 今日Edwin去左Tvb頒獎禮,佢拎左個合唱歌金獎~~~~雖然係半個獎,但係我地都好surprise~ 佢今日心情都好似好靚咁,全晚見到佢不停咁同周圍d星傾計,賣廣告o個d時段,佢都不時有望我地,同我地fing螢光捧,揮手咁.不過最耿耿於懷既就係Edwin拎獎o個陣時d司儀冇比佢講得獎感受lor.... 不過今日都幾開心,Edwin都拎左個獎ma~恭喜晒喎,蕭生~~!!!

:: 荃灣區千人冬防滅罪運動  ::

日期：2004.01.03
時間：早上11:00
活動：荃灣區千人冬防滅罪運動
地點：荃灣沙咀道遊樂場
蕭公子著乜: 黑色衫+格仔褲+頸巾

呢個function Edwin唱左"你想我點"同埋"十個分手的理由"~ 跟住再同大會其他既嘉賓一齊做一個宣誓儀式.