| 蕭正楠 上位 -- 快周刊 2003.06.24 |
 廿五歲入娛樂圈，很遲嗎？ 蕭正楠（Edwin）正是，廿五歲才當新人，感覺有點怪。初出道的Edwin被冠以「電盈一哥」（其公司正確名稱叫「大國文化」）的稱號，恉因當時其公司只得他一個歌手。不過，甫出道Edwin即遇上余文樂、麥浚龍兩位勁敵，論新聞，他不夠余文樂多；論財富，他不夠麥浚龍厚；當兩者同時沒有的時候，就要賣唱功。 去年，Edwin也不負眾望，拿了好幾個新人獎，成為大嬴家，廣告、電視、電影合約不斷；就連緋聞、是非也隨之趕上。你說他好運不好運，他卻全無感覺，只想靜待一個上位機會。今年古天樂加盟，他迅即由「一哥」變為「二哥」，地位雖之動搖，但他的心還在，還以實力自居，力爭上游，等待上位。 今年Edwin已經廿六歲，他說自己已是「男人」，而再不是昔日的「男仔」，自己要清楚在做什麼，呢舖不成功便成仁。蕭正楠說：「一個新人無端端畀人叫『一哥』真係幾搞笑，始終公司第一個做既新人係我，又係公司唯一既Artist，呢佪稱呼我會當係一個綽號或者花名黎睇，冇乜特別，因為受之有愧。好似早前古仔加盟就話我變左『二哥』，咩失寵、咩蝕本、浪費資源呀......，我唔覺得係咩一回事，我係唔會理會。但一切都來得好突然，我每一日都有唔同的工作，每一個工作都要花好多心機及時間去應付，忙到都冇時間回想呢一年做過咩，成績如何...... 希望慢慢穩步上揚 「（驚跌嗎？）呢行好現實架，唔係向上就係向下，公司都同我講過，希望我可以慢慢穩步上揚，唔想我突然間跑出來，捧左兩年跟住唔見左。佢地想我每一個細節都做好，想我慢慢從工作發揮我既Potential（潛能）出來。 「（想上位嗎？）位係要上，睇下係以咩速度上。我自己都唔想快，我經理人鄭小姐教過我一句說話：『Too much, too young, too early......』意思係你太早太多野做就會好快承受唔住，都講得啱。我入行得o個一年，OK，叫做啱啱先開始摸熟晒所有最Basic（基本）既野，上唔上到位好睇你自己既際遇，隨緣啦！每個人揀每一樣野做都係有目的，我揀歌手做，當然希望自己可以紅啦！」 Edwin與余文樂、麥浚龍同期出道，自然成為激鬥目標，結果他但鬥足一年。談到這兩位勁敵，Edwin頓變得成熟並有點老氣橫秋。 同麥浚龍冇乜偈傾 「我地自己根本唔想鬥，係ｄ人將我地比較，冇辦法，係時勢問題，舊年既新人獎爭得好激烈，造成左呢個錯覺。就算我同Juno拍埋同一套電影（《六樓后座》），都可以話我地爭唱主題曲。 「（你地三個算唔算朋友？）我諗見到面會同阿樂會熟ｄ，會傾到偈，大ｏ２會問候下對方，但Juno真係好少交談。唔知ｆ３咪之前太多誤會啦，但我唔想太刻意。唔通ｄ書寫我地不和，我要為左澄清而去同佢講野、傾偈，我唔想咁樣，順其自然lor！如果大家都覺得係冇野既，根本唔係咩一回事，如果彼此之間真係有野既，咁都冇辦法，等時間去沖淡啦！」 與關心妍合作宣傳 相由心生，跟余文樂相比，Edwin的確長得乖一點，至少當對方傳出好幾單緋聞時，他卻只得一個外形很合襯的「關心妍」，本來金童配玉女，可惜Edwin卻多次被寫成借女方上位，這段「情」最後只好劃上句號。「其實我地真係冇呀，做野o個陣時會幾開心，但大家都唔係o個樣野，我自己唔話o係o個時有一刻動情，只係兩間公司合作，一隻合唱歌，做左好多野宣傳、又拍網劇、MV啦，出席好多Show。呢ｄ事一直都係雙方面同意，大家拍住黎做好多野，係大家同意既。 無端被指借人卜位 「當初有報導寫自己點借佢上位，我睇到好唔舒服，我唔知呢ｄ消息係邊個拎出黎講，但係大家既然講到明合作得，就真係合作得，So Far我唔覺得自己做左咩過火既事，反而所有野都係將我『禁』低黎寫，我覺得壓力真係好大，所以依家都盡量避免，唔想俾人講！（會否再同其他女星合作？）暫時都未有咁既計劃，拍野冇得講啦，黎緊我同Bo Bo（陳文媛）可能會有首合唱歌，睇市場需求。今次同Bo Bo合作係因為拍左套劇《戀愛自由式》,先會有咁多周邊既做左。」 所謂「多情自古空如恨」，Edwin絕對是個尊一兼長情的男仔，但他今天卻要為前途問題，忍痛跟拍拖年多的模特兒女友分手。 男人要有自己事業 「我之前個女朋友都係因為我多野做，理唔到佢，先至分開左，都幾可惜......（停頓十秒）無奈lor，當你事業啱啱開始有起色既時候當然要不停做野啦，一個男人一定要有自己前途、自己事業，如果大家明知o係呢個時候拍拖一定會影響到，一定會冇比機做野，如何大家鬧交，又會影響到工作情緒。 為事業與女友分手 「如果明知影響到事業既，就要取捨！如果我係女仔，我唔會將事業睇得咁重，我會覺得始終有一日會嫁，但我係男人黎，如果最基本既野都冇，甜我第時仲點去照顧你呢，呢方面我比較大男人。入行之前我地真係朝夕共對，每一日都會見面，o個時我返緊學，又做Model，佢都係，我唔使返學或放左學都會同佢一齊，見面時間好多。當我正式入左呢行既時候，真係忙到一個月都見唔到一次、半次，或者打電話都傾唔到野，變左佢好唔習慣。 「因為佢真係一個好需要人鍚既女仔，我依家都好開心佢搵到一份好Stable既工作，我都知道好多男仔去追求佢，因為佢本身係一個好好既女仔黎，而且條件唔錯，呢個搏命期，我真係做唔到乜野，我唯有祝福佢。 以前幼稚冇朋友 「我同佢一齊經歷左好多，我由讀書到唱歌，o係我最需要人地關心既時候，佢一直o係我身邊。o個時我冇乜朋友，佢係唯一一個知道晒我所有野既人。佢係獅子座，我係白羊座，好多野都係最夾既。同埋我識佢之前我好幼稚，好多做野方法都好細路，脾氣各樣野都係，佢改變左我好多，可能我o係廿二、三歲既成熟程度只係得十八、九歲，但佢令到我既思想同年紀Balance（平衡）番。 「（依家想唔想拍拖？）.......當然想，我都想有個人俾我百分百信任，跟住同我分擔、分享所有事情，無論你開唔開解到我都好，至少我可以話俾你聽所有野......，有時我辛苦，做野做到三、四點，都想有人打電話黎問候一聲、關心一句，我覺得會Warm好多。」 鄭伊健與蕭公子 一年前，白白淨、頭髮Jel得企理的Edwin被指似伊健，由於太過官仔骨骨，最後被喚成「蕭公子」。 零三年的今日，皮膚晒得黝黑、頭髮再不像從前般Jel得硬繃繃的Edwin，不是更像伊健嗎？連攝記哥哥都忍唔住要講句：「嘩，真係好似伊健呀？」Edwin聽後即表現抗拒：「講左成年，唔好喇啩！」（咁叫你蕭公子啦？）「都係叫我Edwin啦，我想做番自己呀？」他說。原來鄭伊健與蕭公子，他同樣不喜歡。 |