今年兩大「新人王」余文樂和蕭正楠火速上位，出道短短日子已大受少男少女歡迎，兩人自然成為各大電台的新寵，很多活動都力邀他們同場出現，然而由於兩人勢均力敵，爭持激烈，有傳聞指環球為力谷阿樂撼低阿楠，不惜向電台施壓下「格殺令」，聲言「有蕭正楠就無余文樂」！誓要踢走阿楠之餘，還要電台「硬啃」麥浚龍（Juno）以代替蕭正楠，搞到電台左右做人難
。事實傳聞不謀而合
據知，昨晚由新城舉辦的《02樂男•三星匯聚音樂會》，最初是由阿樂、阿楠和葉民輝（啤梨）演出，原本是八月中舉行，但後來因環球要捧阿樂和硬銷Juno，結果
和Neway卡拉OK合作，由Neway獨家贊助音樂會，現不但將日期改至昨晚，阿楠更被踢出表演名單之外，由麥浚龍取代，與傳聞不謀而合。
新城冇兌現承諾
記者向阿楠唱片公司MusicNation市場部總經理陳志昂求證，他承認新城曾聯絡阿楠演出類似形式音樂會：「新城當初斟阿楠八月十三日同余文樂、葉民輝一齊做騷，雖然o個日阿楠o係海南島拍特輯，但公司都應承安排阿楠飛返香港做，點知後來新城方面話有d野配合唔到，不了了之，後來我地至知原來今晚（即昨晚）有個騷，但冇左阿楠份。（有冇聽過環球「格殺令」？）我地唔會批評其他公司，最好各有各做，蕭正楠有實力，絕對歡迎同台較量。
」 而新城高層朱明銳則對「格殺」傳聞表示不敢評論，但承認：「之前係搵過阿楠同阿樂做另一個騷，但大家冇期做唔成，後來新城搵
到Neway贊助音樂會，咁阿楠係BigEcho既，咪唔用得佢囉。」而環球方面，至截稿前仍未回覆。
朱茵撐余文樂
另外，余文樂和朱茵前晚到電台接受「嘩、嘩、嘩打到黎」主持訪問，宣傳他倆合作拍攝的網上音樂劇《再咬我吧》，期間阿樂不停被主持吳君如及杜文澤追問有關他和陳冠希的是非，吳君如問阿樂：「近排又同人唔岩、又話你招積、又話你囂……」阿樂聽後即呼冤：「我冇呀！」由於有感被主持玩，阿樂惟有無奈地大叫：「你地個個都想我死！」朱茵被問到是否覺得阿樂有如報道般招積、囂？她即力撐阿樂道：「我同佢合作過，覺得佢做野好認真，完全唔難相處。
」
|