|
2002.09.09 |
|
| 列入黑名單責「爛仔都不如」 環球頒令旗下歌手禁與蕭正楠合照 |
太陽日報 |
|
日前環球為力谷余文樂，向電台施壓踢蕭正楠出音樂會，令兩大唱片公司爆發罵戰。昨日雙方高層再度互轟，環球更頒令禁止旗下歌手與蕭正楠合照，而Music Nation則揶揄余文樂並非巨星，不需靠他宣傳！ 事情發展至今，余文樂及蕭正楠（Edwin）的唱片公司高層繼續發炮，昨日環球罕有地頒布禁令，禁止旗下歌手與Edwin合照，總裁陳少寶扯火說：「我地一路都好被動，下戰書、紙上明星，所有 野都係佢地講，今時今日我地冇辦法唔講野！第一、我地唔歡迎佢行埋黎同我地歌手影相，亦希望記者高抬貴手，唔好拉佢埋黎影相！第二、我覺得好失望，一間有XXXX做後台簕唱片公司，行為竟然連爛仔都不如！」
未夠班作出批評 |
|
| 博見報唔使靠余文樂 蕭正楠經理人：搵個紅刋啦！ |
太陽日報 |
|
突遭環球唱片列入黑名單的蕭正楠，其所屬的Music Nation演藝事務部總經理鄭秀明，昨日得悉陳少寶發出「禁與蕭正楠合照令」後，立即作出反擊！ 鄭秀明語帶激動說：「第一、蕭正楠從來冇主動要求同余文樂影相，係記者拉攏下合照。我㳜從來冇機心要靠其他歌手增加見報率，就算搵都會搵個紅刋，唔會搵余文樂！我唔係踩余文樂，而係唔希望藝人本身關係變得惡劣。頭先佢㳜効傳媒面前握手，公司本身毋須太敏感，咁做只會令藝人尷尬。又話蕭正楠唔識跳舞，我想講每個歌手都有唔同風格，講到尾做歌手以唱功為主，唱功最緊要！我㳜唔想為呢刋小問題拗到潑婦罵街咁！」 對於陳少寶指他們「行為爛仔都不如」、「撩唔到就潑婦罵街」等，鄭秀明不甘示弱說：「如果佢話對我㳜間公司失望，咁我對佢㳜仲失望！針對放料問題，我只能贈佢㳜十個字，『若要人不知，除非己莫為』，點解有人質疑佢㳜歌手簕銷量同Fans造勢簕問題？李克勤又成日講佢間公司簕問題呀？最緊要撫心自問，連李進都講埋，我想講李進作為一位CEO，只理刋高層次簕問題，唔會理呢刋小事！」
新人王「互片」經過 |
|
|
Edwin欲搶陳思慧紅館巨型廣告位 |
太陽日報 |
|
樂壇新人輩出，不少唱片公司大曬金錢，力搶人流旺區大大小小的廣告位做宣傳，而MusicNation的新人蕭正楠與嘉音的新人陳思慧，為爭奪紅館附近的當眼巨型廣告位，爭到火紅火綠，各不相讓！ 嘉音為力谷女新人陳思慧（Candice），不惜以月租二十八萬長租位於紅館附近的巨型廣告位；為期三個月，並加印三款巨型海報，花近百萬元，認真堦本！據知，除嘉音外，不少唱片公司對此廣告位虎視眈眈，當中以李進為首的MusicNation最積極！據知，MusicNation曾要求有關方面，在嘉音租約未滿前提早租出此廣告位，不過嘉音斷然拒絕對方要求。嘉音高層Kenny昨日在電話中說：「我㳜好重視Candice，所以我㳜先咁堦本谷佢！（李進想你㳜早刋讓個廣告位出𨪛？）我㳜一早畀晒錢，你估佢叫李進，就真係佢進我就要退咩！」 未能奪得心水廣告位，MusicNation惟有退而求其次，選擇了紅隧九龍出口另一個廣告位，雖然該位明顯較細，但勝在位於繳付隧道費的當眼位，仍能收到一定宣傳之效。對於與嘉音爭奪廣告位一事，李進回應說：「算啦！搞冲咁耐，成個宣傳計畫都唔同啦！一個廣告位唔代表刋乜，最緊要係歌唱得好！」 |
|
| 陳少寶指蕭正楠係攝石人 |
東方日報 |
|
余文樂所屬的環球跟蕭正楠的MusicNation為力撐旗下歌手，不惜出面互插。雖然昨日兩位歌手余文樂同蕭正楠已搭晒膊頭以示友好，不過兩間唱片公司高層環球香港總裁陳少寶及MusicNation的演藝事務部總經理鄭秀明依然繼續駁火 。 陳少寶被問到不和事件時，他鄭重的表示：「我地列蕭正楠為不受歡迎人物，唔該佢唔好黐埋我d歌手度影相，同台演出就冇法啦！但我地一定唔歡迎佢行埋黎我地度，佢係攝石人。」另一邊的鄭秀明就反駁說：「只係陳少寶佢一個人 講jel，蕭正楠不知幾受歡迎，有好多歌迷，又多記者錫佢。況且上次都係記者叫蕭正楠同環球歌手影相之嘛，蕭正楠同記者合作係冇錯。」
「連啤梨都比唔上」 此外，陳少寶又抬自己友踩蕭正楠，他說：「講到蕭正楠咁有實力，佢唱片銷量有幾多？幾多張全行都知啦！連我個啤梨（葉文輝）佢都比唔上，我有靚仔有實力係余文樂，跳舞有麥浚龍。」鄭秀明則還擊說：「都有報道講過有唱片公司篤數同買歌迷，引起過質疑。我唔想批評其他歌手，總之蕭正楠既銷量係穩步上揚。 」 MusicNation揸Fit人李進就話：「大家呼吸緊唔同既空氣，我有君子之風，暫時唔會講野。（環球『寸』蕭正楠唔跳得。）要跳得搵個Dancer咪得囉，使乜搵歌手呀！」而新城節目總監朱明銳亦說：「我係有同李進話請蕭正楠演出台慶，不過李進都好坦白話蕭正楠跳舞唔係咁好，所以先推左我地。 」 蕭余握手冇唔妥 |
|
| 蕭正楠余文樂握手言和 |
星島日報 |
|
蕭正楠和余文樂兩位樂壇新人，出道以來的成績經常被人拿來作比較，二人的競爭，近日竟演變成MusicNation和環球兩間唱片公司的罵戰，蕭正楠的經理人昨日更公開表示質疑環球的歌手唱片銷量和歌迷人數的真確性 。 日前蕭正楠Edwin說自己和余文樂之間雖然不算相熟，但並無心病，只是不明白為何在記者面前，環球的歌手總是像不願意和他拍攝合照。而昨日Edwin和樂仔一同出席商台的《中銀愛心活力Team》活動，二人在後台碰面時，並沒有因近日的新聞而有介蒂，二人亦表現大方的握手問好，讓記者拍攝合照 。 不過當記者向Edwin的經理人鄭小姐問及昨日有報道說，環球指責MusicNation向報館「放料」中傷他們的新聞時，她就用肯定的語氣說自己的公司從沒有做過這種事，對於日前Edwin被麥浚龍取代出席新城演出音樂會一事，她說：「十個字可以講哂，『若要人不知，除非己莫為』，之前都有傳媒報道他們的銷量和歌迷是怎樣得來的，所以大家知道他們的真實程度有幾高﹖」雖然她並沒有言明所指「他們」是誰，但估計她所講的就是「環球」 。 問Edwin有否覺得自己成了兩間公司間的受害者﹖他說過去的事不想再提，現在只會放眼將來，自己選擇MusicNation，就是想做好音樂，而不想靠花邊新聞做紙上明星。另方面阿樂亦認為近日的新聞只是公司之間的小誤會，歌手之間並沒有心病，所以他希望可以大事化小便好了 。 |
|
| 蕭正楠余文樂握手粉碎不和傳言 |
成報 |
|
蕭正楠（Edwin）與余文樂最近傳不和，兩人的唱片公司musicnation及環球更展開罵戰。昨日Edwin與阿樂碰面時大方握手合照，更不時咬耳仔，似乎想以行動粉碎不和傳聞。 余文樂認為他與Edwin之所以傳出不和，可能是兩間唱片公司有誤會，沒有甚麼大不了，只要兩間公司互相了解就可以解決，不用太緊張。他表示自己與Juno同是新人，所以受到公司保護，希望環球與musicnation能夠大事化小，小事化無。他認為Edwin、Juno與他同樣為工作而努力，希望傳媒能夠報道一些較正面的信息。 問到與Edwin碰面會否尷尬？他說：「因為誤會至會尷尬，後生仔唔會將事情複雜化。」昨日他雖然沒有與Edwin同台，但兩人在後台碰面，在記者要求下，大家握手合照，冰釋前嫌。阿樂坦言一向都願意影合照，從來不會避忌。問到公司有否下令他不准與Edwin合照？他表示沒有，認為公司的事公司會解決，他會緊守自己的崗位，作為新人亦應該珍惜演出的機會。 稱讚Juno專業 余文樂表示，他自出道以來，負面新聞不絕，一直備受壓力困擾，現在已經開始習慣，只希望能夠做好自己。問到眾多新人中，他較睇好哪位？他說：「EO2同Juno攻跳舞，蕭正楠唱情歌，我自己就以唱快歌為主，大家嘅風格唔同。不過，我比較睇好Shine。」他又大讚Juno早前出席新城活動時，雖然發燒燒到一百零二度，但依然堅持唱四首歌，仲要跳埋舞，認真專業。 Edwin坦言與阿樂碰面並不尷尬，而且新人一定會有很多機會碰面。問到他倆咬耳仔講啲乜？他說：「佢叫我唔好放件事喺心，我就話係公司安排，協調唔到。」對於Edwin邀阿樂與Juno出席簽名會，最後食檸檬收場，他表示之前接受電台訪問時，已講過若搞簽名會就想邀請他們，可能這次時間上真的太急，他覺得唔好意思，下次再有機會，他一定提早邀請。 對於環球炮轟他放料博宣傳，他有感而發表示，musicnation是以做好音樂為原則。他說：「唱作人同高層應該細心感受好嘅音樂，唔應該以花邊新聞捧紅歌手。」 兩人不應敵視 Edwin認為他與阿樂能以自己的興趣作為職業，應該開心而不應敵視。他認為公司的出發點是想幫新人，並直言欣賞musicnation的做法，但過去的事他不想再提，只想畀心機做嘢。 Edwin經理人鄭小姐對於放料傳聞回應說：「若要人不知，除非己莫為。Artists之間冇嘢，係前線人員令佢哋不和。大家應該同心合力做健康嘅樂壇，不分你我，一個Artist頂唔到咁多嘢。」 |
|
back