2002.09.13

MV擺明寸麥浚龍蕭正楠：愛上殺手有惡果！

太陽日報

蕭正楠《惡果》MV以殺手造型示人，在音樂前後段播出「殺手沒人同情」，有影射死敵麥浚龍之嫌，他更嘲諷對方「愛上殺手有惡果」。

蕭正楠近日與環球歌手麥浚龍鬧不和，更被指是攝石人博宣傳。記者日前發現Edwin（蕭之洋名）新歌《惡果》MV中，在音樂前後分別播出「如果可以從新開始，我不會做殺手」及「殺手沒人同情，也沒有愛情」，擺明寸唱《愛上殺手》的麥浚龍。昨日他與何韻詩等出席《黃大仙活力健康》記者會時表示對MV劇情全不知情，他說：「MV係導演簕決定，冇影射成分。」Edwin講述MV劇情是想帶出愛上殺手會有惡果而已。記者就此事致電環球高層陳少寶，他語氣堅決地說：「總之關於蕭正楠簕�禳A唔使𨪛問我，我唔會答。」

不滿有人請職業歌迷

對於陳少寶下令禁止旗下歌手與他合照，但卻只有麥浚龍遵守，有「擦鞋」之嫌，對此Edwin說：「公司咁錫佢，冇乜問題，冇理由要佢逆公司意，大家會有機會撞面，不過我都係應記者要求至影。（佢㳜財力追住你打？）唔係有錢就有效果。」MV此時播放是否較敏感，Edwin無奈地說：「有人反應過敏，應該好快冇事。（見到對方會唔會尷尬？）尷尬唔係我做出𨪛，出席活動都係做番自己�禳C」
另外，他自爆從歌迷口中得悉有歌手聘請職業歌迷，但他絕不會效法，他說：「我冇用過一蚊去做呢刋行為，有錢都坃去宣傳啦！（覺唔覺刋歌手自欺欺人？）可能佢Enjoy，畀多刋錢叫歌迷𠳓車底，跟住又一單新聞。」。
　

　

　

　

蕭正楠MV句句暗寸Juno

東方日報

蕭正楠（Edwin）自出道都被拿與麥浚龍（Juno）比較，最近環球將行動升級，為硬銷Juno不惜借余文樂踢走Edwin，除下令公司新人不准與Edwin合照外，更直指他是「攝石人」。昨日Edwin出席港台活動時，言詞鋒利，似要對環球還以顏色 。

有得解釋已很好

Edwin對於新歌《惡果》MV的前言上出現「如果可以重新開始，我不會做殺手」及後記「殺手沒人同情也沒有愛情」的字句，似暗寸Juno新歌《愛上殺手》時，Edwin言詞句句有骨地否認說：「拍既時候，其他歌手都未出歌，所以冇影射成分，但其實MV個故事係講一個殺手有精神分裂，殺自己女友，所以愛上殺手只會有惡果！而家記者問起上來，有得俾我解釋都好，但如果有人反應過敏，我都冇辦法！（係咪追住Juno打？）睇下有冇效果，唔係有錢先有效，唔係真野擺o係面前冇意思，好似紅隧廣告牌，人地追住擺o係附近都冇辦法，可能覺得我眼光獨到掛！ 」

問Edwin會否覺得Juno表示會聽從陳少寶的說話，避與他合照似擦公司鞋時，他說：「唔係，佢錫公司，公司錫佢，唔影唔會為難人，冇理由要人逆公司意，大家咁多機會見，唔會冇合照，其實次次影相我都係應記者要求，又冇話去搶鏡架！ 」

有錢用來做音樂

另Edwin對有傳Juno用錢買歌迷，他說：「我唔知人地，但我可以百分百肯定，我既歌迷係欣賞我先追隨我，我絕對冇用過一蚊去買歌迷，呢d行為我覺得可恥，好似俾錢買人黎做Show俾自己睇。（係咪自欺欺人既行為？）或者人地Enjoy，又或者可以(攞番自信心返黎，但如果有咁多錢，不如做好音樂同宣傳，唔通俾多d錢訓o係車底做新聞咩，好危險架！而家大部分歌手都以音樂為先，但仍有d人做特別野，希望樂壇風氣健康d！ 」
　

　

　

　

　

　

蕭正楠：有人買歌迷瞓車 底

星島日報

最近男歌手不是搞緋聞，就是搞是非博出位，最近唱片公司為捧歌手，炒起知名度，以吵架不和博宣傳，博人氣，蕭正楠、麥浚龍、余文樂的不和新聞日日新鮮。

蕭正楠Edwin最近就與環球唱片的余文樂及麥浚龍Juno傳是非，經常有報道指三個男人不和，昨日Edwin出席港台活動，又再掀起「是非」，其新歌曲《惡果》的MV，大大隻字寫上「如果可以重新開始，我不會做殺手。殺手沒有人同情，也沒有愛情。」言詞針對環球「殺手-Juno」 。

不過Edwin就再三強調，他的MV並不是影射人，而且別的歌手未有殺手歌曲推出時，他的MV已經拍好，希望大家不要敏感。

有指現今樂壇最有錢的新人，除「殺手-Juno」外，相信就是他，因為背後有個李澤楷老闆撐腰，Edwin話﹕「有錢唔係一定有效果。唔係真的，擺在你面前都冇用。 」

最近有報道指男歌手用錢買歌迷造勢，Edwin就道﹕「我冇用錢買歌迷呀，百分百冇出過一蚊﹗我唔會做騷畀人睇，最初出道我得七個歌迷。依家愈來愈多，差不過有近百個。依家樂壇情況古古怪怪，遲啲有人買歌迷瞓喺車底畀記者影相添呀。哈哈。我係一個歌手，特別人先做特別事，我都係做好自己音樂得啦。 」

最近環球高層陳少寶下令不准旗下歌手與Edwin影合照，只得殺手Juno鼎力支持公司，Edwin笑道﹕「咁公司錫佢，佢錫公司。唔好難為人家，我冇咩所謂。我都好少主動話要同人影相，影都係記者想張相個畫面豐富啫。 」
　

　

　

　

　

　

蕭正楠鄙視用職業Fans

成報

蕭正楠（Edwin）最近的新歌《惡果》MTV，在序文打出「如果可以重新開始，我不會做殺手。」而結尾字幕「殺手沒人同情也沒有愛情。」似有影射「愛上殺手」會有「惡果」。昨日Edwin與Shine、何韻詩出席港台活動時，被問到《惡果》這首歌含沙射影，矛頭直指死對頭Juno（麥浚龍），Edwin說：「其實首歌拍咗好耐，嗰時其他歌手嘅歌都未出，起初我都唔知導演會安排我做殺手，但拍咗出嚟之後效果好好，MTV裏面我係一個精神分裂嘅殺手，經常幻想會殺死女朋友，所以故事會帶出一個愛上殺手會有惡果的信息啫。在這敏感時刻，可以畀機會我解釋吓都係好，免得有人反應過敏，以為我有所影射。」

冇用過一蚊請Fans

對於有傳Juno派錢請職業Fans造勢，Edwin表示近日有歌迷發現有網頁流傳，歌手請職業Fans的價錢表，但Edwin誓言：「我可以百分百肯定，我嘅歌迷係欣賞我嘅歌先會追隨我，我絕對冇用過一蚊嚟請Fans，請職業Fans咁嘅行為我覺得好可恥，對住一班鍾意自己嘅人唱歌先會有Feel，但台下嘅人唔真心咁就冇意思啦。」

問到他會否覺得有歌手請Fans造勢是自欺欺人？他說：「好難講嘅，有些人可能會覺得咁先有滿足感，其實我就唔會咁做，所以都唔想去評論，但如果用咁多錢請Fans，不如放在宣傳或者喺音樂上，睇番網上請Fans價錢都唔平，如果遲啲畀多啲錢，歌迷瞓車底又可以做單新聞囉。」Edwin覺得樂壇大部分歌手都以音樂為主，但亦有歌手鍾意做些特別事情引別人注意。
　

　

　

　

　

back