2003.12.19

蕭正楠落敗　IFPI再捱轟

 東方日報

「IFPI香港（國際唱片協會）銷量大獎2002頒獎禮」將於明日舉行，經本報昨日率先披露賽果後，即引來部分唱片公司議論紛紛，其中蕭正楠在男新人方面三甲不入，所屬唱片公司MusicNation提出強烈質疑，並炮 轟IFPI黑箱作業。這是繼英皇後，另一間出面炮轟IFPI的唱片公司。

去信表達不 滿

據知，獲得男新人三甲的是余文樂、麥浚龍和葉文輝，MusicNation唱片部總經理陳志昂接受記者電話訪問時表示：「蕭正楠的《Borntofly》銷量超過一萬五千張，絕對入到三甲。我地公司賣一張計一張唔會篤數，唔似d人賣二、三千張就話有金唱片，公司 對IFPI頒獎禮感到不滿，無論機制同計算方法都完全唔清晰，咁大間唱片協會竟然全無公信力，由小撮人控制，對自己唱片公司有利就改賽制，咁對努力工作既業界唔公平，我地考慮寫信 去IFPI表達不滿。」

尊重遊戲規則

另外，有傳正東的楊千嬅、陳慧琳與許志安不入十大銷量唱片，千嬅更跟陳奕迅（Eason）一樣，成為計算方法的犧牲品，被李克勤的新碟踢走。

至於正東唱片負責人洪迪就賽果表示：「我地尊重遊戲規則，相信IFPI唔會偏幫任何一方，當然我都好戥我地d歌手唔抵，你地（傳媒）打電話來，已經係肯定，我地當已經得獎。」至 於IFPI負責人馮添枝則表示不予置評。
　

　

　

　

　

蕭正楠音樂會麥浚龍缺席余文樂請吃檸檬

 新正點正娛樂

新城娛樂台全力支持既《聯ｆａｎ蕭正楠唱得好音樂會》，除左有蕭正楠大唱首本歌之外，仲請黎好多特別嘉賓，包括應采兒、鄭希怡、盧巧音、啤梨葉文輝、ＥＯ２、Ｅ－Ｋｉｄｓ同陳驊一齊演出，場面非常熱鬧！

咁多嘉賓撐住，蕭正楠覺得自己既表現尚算ＯＫ，雖然係第一個個人音樂會，但佢自言一ｄ都唔緊張，反而好ｅｎｊｏｙ成晚既演出，佢要多謝公司既支持，以及一班嘉賓既落力演出！

音樂會結束之後，蕭正楠同關心妍即場宣布，佢地將會黎個跨公司合作，合唱新歌《特別鳴謝》，為隆重其事，請黎陶吉吉做監製之外，昨晚特別搞左個交換婚戒既儀式，好似佢地結婚咁款！

蕭正楠請左咁多嘉賓，點解唔見麥浚龍同余文樂呢？蕭正楠解釋，佢一早請左余文樂，但呢兩日佢去左日本，聯絡唔上，Ｊｕｎｏ亦因為事忙無法出席；問到ＩＦＰＩ銷量大獎，蕭正楠響男新人組別三甲不入，佢口口聲聲話落選無所謂，因為隻碟賣到幾多，佢同公司都心中有數，最緊要觀眾知道真相就得啦！
　

back