2003.01.01
歌迷對罵Shine指非其Fans所為 成報


日前在「新城勁爆頒獎禮」舉行完畢後，有指Shine的Fans與其他歌手的Fans展開罵戰。昨日Shine、蕭正楠、麥浚龍、李彩樺、鄧健泓及谷祖琳齊出席一個慈善籌款活動。談及Fans對罵一事，Shine表示當晚聽到記者這樣說，已立即致電Fans了解。他們的Fans否認有鬧人，並解釋當時可能情況太混亂，加上其他的Fans混入其中，根本不是Shine的Fans所為。

蕭正楠贊同Juno講法

　對於有指新城的獎項如分豬肉，Shine表示不能這樣說的，始終獎項對新人是一種鼓勵。至於Juno亦覺得不應該說成分豬肉，這樣太不尊重獎項了。另外，昨日有報道指在梁詠琪的網頁中，預先公布了叱咤頒獎禮的名單，蕭正楠會奪男新人銅獎。蕭正楠笑言聽到此消息都開心啲，但也不知道是否屬實。他強調就算沒有獎都不會太失望的，問到他會否怕像Juno般被噓？蕭正楠說；「我好贊同Juno的講法，Fans支持偶像唔應該互相攻擊，唔好做啲咁偏激同肉酸嘅嘢！支持還支持，應該理智同克制自己。」蕭正楠坦言不介意被噓，但他又無奈的說：「唔通我鬧番人咩？」
　

　
蕭正楠有財有地位 明報
蕭正楠（命數5）﹕今年財運極佳，適當時機在工作方面能確立自己的社會地位。宜處事有誠意，可避免金錢的糾紛。他的特質是渴望享受人生，崇尚自由與有創意 。
　

　

　

　

　

　

蕭正楠介意被叫「蕭正豬」

 東方日報

另外，蕭正楠承認介意被叫「蕭正豬」，他說：「唔通我去鬧番佢咩！我贊成Juno所言，支持偶像但唔可以人身攻擊，歌迷罵戰係肉酸和偏激的行為。 」
　

麥浚龍fans寸劉德華老餅王

 太陽日報

新城勁爆頒獎禮前晚在結束後舉行了慶功宴，正當各得獎歌手興高采烈慶祝得獎時，慶功宴會場樓下卻發生歌迷互相謾罵的大混戰，來自不同歌迷會為數近百歌迷紛紛為自己偶像造勢，初時只是搖旗舉牌吶喊，後來變成劉德華、麥浚龍兩派歌迷「互寸」，繼而各派歌迷遊行「晒馬」並「出口傷人」 ！

當晚遭歌迷出口謾罵的受害歌手包括有陳曉東、陳思慧、李蘢怡及蕭正楠，而出口辱罵歌手的歌迷則懷疑是Shine、E-Kids及盧巧音的歌迷，其中又以Shine的歌迷人數最多，其次則是F4、劉德華以及梁詠琪的歌迷 。

Juno亮相全場噓

話說在麥浚龍（Juno）到達慶功宴會場時，他的十多名歌迷即高舉「浚龍」字牌撲向保母車，正當Juno一副「型樣」下車時，全場的其他歌手歌迷都噓聲四起大呼「造馬」，噓聲長達五分鐘，即使Juno上了樓，仍見Shine同劉德華的歌迷大呼「造馬」。Juno的歌迷不甘示弱還擊高喊「老餅王」暗寸華仔，還邊遊行邊大叫「實至名歸」力撐Juno，而Shine的歌迷則大聲讚自己偶像是「新人王」，其他歌迷如E-Kids及陳奕迅的歌迷亦有樣學樣大叫一番 。

東東陳思慧受辱
到了陳曉東落樓離開時，由於剛站在門口的Shine的歌迷群中，有Shine的歌迷即大叫：「東東，你冇人氣，點解 人氣獎？」陳思慧走人時，Shine的歌迷堆中又有人大叫：「陳思慧，你做×！」未知是否羊群效應，E-Kids及盧巧音的歌迷，亦大叫蕭正楠做「蕭正豬」，李蘢怡就被叫「×街」，令人側目 。

E-Kids對於歌迷出口辱罵李蘢怡及改蕭正楠花名，E-Kids就說：「我 頭先都俾人用中指問候啦，但佢 唔係叫我緊中指做人囉，不過算啦，我 受晒囉，我 覺得以和為貴。 」

至於被改名作「蕭正豬」的蕭正楠就說：「冇所謂，可能佢覺得我乖豬啦。」
　

　

　

　

　

　

　

　

　
蕭正楠開心獲關心妍媽咪稱讚 點正娛樂

昨日關心妍媽咪讚蕭正楠好陽光、好乖仔，今日蕭正楠出席一個慈善活動時話
好開心可以得到人地對自己既讚賞，「基本上呢排有好多時間都同阿Ｊａｄｅ合作啦，我地昨日岩岩拍完個ＭＶ，黎緊２、３號『陶吉吉』會再飛返黎香港繼續錄音啦，之後會拍Ｄ網劇，大家其實之前初入行時成日見面，都已係好朋友，而家更加熟絡，我地都同其他好多朋友好 ｆｒｉｅｎｄ架！」咁究竟Ｅｄｗｉｎ有幾大機會會同阿Ｊａｄｅ一齊呢？「幾大就睇下黎緊合作點樣啦，我諗我地合作會好開心，但感情同拍拖呢Ｄ野係…，因為而家工作比較忙，咁睇下將來點啦，因為緣份到的話，咩都有可能發生。」

另外，今日有報導話有ｆａｎｓ叫蕭正楠做豬，Ｅｄｗｉｎ聽完咪好唔開心
囉？「其實我唔會，某程度上都係一小撮既人去講一Ｄ攻擊其他ａｒｔｉｓｔｓ既說話，我覺得咁樣做係唔岩，ｆａｎｓ本身最主要係支持佢自己個偶像，而唔好聽既說話係唔應該講，講左出黎之後成個畫面會變左唔好睇，好似鬧交咁，會無了期落去，所以我都叫我Ｄ　ｆａｎｓ好克制，完全唔可以去做一Ｄ失禮我既野，但係我班ｆａｎｓ係最乖既一班ｆａｎｓ。」

back