|
2003.02.27 |
|
| 蕭正楠嘴關心妍睇心情 | 明報 |
|
蕭正楠（Edwin）、E-Kids等昨日出席「小熊國群『熊』匯聚創世紀」慈善活動，Edwin遲到15分鐘，到場即向E-Kids講致歉。Edwin解釋自日前他在《兒歌金曲頒獎禮》作司儀後便腸胃不適，至今仍未復元
。 自詡好Man Edwin於3月5日與緋聞女友關心妍舉行迷你演唱會，兩人在《特別鳴謝》MV內有熱吻鏡頭，會否在演唱會中即場演繹﹖Edwin蠱惑地表示﹕「到時睇吓個Mood到唔到﹗ 」 報道指關心妍嫌他不夠Man，所以兩人難有發展﹖Edwin認為不是關心妍親口說，他不相信。Edwin自覺好Man，可能現在年紀尚輕，再過一、二年他會令人耳目一新，男人味可完全散發出來 。 |
 |
| 蕭正楠咀關心妍要睇心情 | 東方日報 |
|
蕭正楠昨日與E-Kids及胡蓓蔚出席《小熊國群熊匯聚創世紀》記者會，對於有指關心妍嫌他不夠男人味，Edwin（蕭之洋名）說︰「係咪佢親口講？冇所謂，每個人角度唔同，我以前個女朋友話我好Man！（覺得自己Man唔Man？）OK啦！年紀大刋會Man。」 談到周日與關心妍舉行的音樂會，會否愛火重燃，Edwin無厘頭說：「猛鬼重現！（會唔會咀佢？）唔知，睇𣈳有冇Mood啦！」 此外，眾人在現場示範製作啤啤熊公仔，E-Kids的Tommy竟將小熊跟Edwin的小熊作接吻狀，還大叫︰「好似交配呀！」令在場人士嘩然。 |
 |
| 蕭正楠關心妍情侶檔開騷 | 成報 |
|
蕭正楠（Edwin）與關心妍（Jade）早前合唱情歌擦出愛火花，及後因為雙方的唱片公司棒打鴛鴦，這對小情人只好將感情事低調處理，但下月二日兩人將會合作舉行音樂會，他們可以名正言順見面，因為早前他們合作網劇《吻了再說》其中一場接吻戲，令人留下深刻印象。問到Edwin到時與Jade會否愛火重燃在台上熱吻？Edwin笑說：「吓，猛鬼再現？會唔會熱吻，睇吓到時有冇Mood，但都要係雙方面嘅。」 此外，說到早前Jade接受訪問時表示覺得Edwin唔夠Man，Edwin說：「其實都唔知係唔係阿Jade講，我以前個女朋友就覺得我Man，（係唔係阿Jade唔識貨？）又唔可以咁講，是但啦，Man唔Man冇所謂啦，我就覺得自己都OKMan。」 揚威加拿大
至於昨日Edwin與E-Kids、胡蓓蔚出席「小熊國群『熊』匯聚創世紀」活動記者會，在活動中他們親手製作愛心小熊，E-Kids成員Tommy與Edwin收到大會送贈小熊後，Tommy作狀將手上的熊仔與Edwin手上的熊仔親嘴，之後還看着Edwin笑說：「我哋交配喇﹗」其實兩人手上的熊仔性別同是雄性，兩個男仔公開場合講交配，真係笑死人﹗ |
|