|
2003.05.06 |
|
| 蕭正楠請靚女食冰淇淋 | 成報 |
|
無綫新劇《戀愛自由式》昨日舉行開廠拜神儀式，蕭正楠（Edwin）、陳文媛（BoBo）、Stephy、Theresa幾位主角都有出席；不過，三位女主角都打扮密實，反之羅詠嫻、關伊彤則以露背裝及短裙仔示人，非常養眼。期間，每當Edwin、BoBo、Stephy及Theresa合照時，藝員陳文靜卻經常企埋一齊影相，似乎有搶鏡之嫌。
昨日見Edwin好像發福了，他解釋最近一日四餐，拍攝時又食道具薯片，加上拍攝過程愉快，個個都好好玩，所以重了幾磅，體重約一百五十多磅。記者笑他還吃很多冰淇淋，因劇中女演員都着泳衣。Edwin即笑說：「我畀佢哋食就真，我要着泳褲，啲女仔只係着黑色泳衣重要加風褸。（你咁講好似唔畀面啲女仔喎？）佢哋全部都係靚女嚟！」 |
|
| 《戀愛自由式》拜神儀式 | 明報 |
|
在昨日無線新劇《戀愛自由式》拜神儀式上，蕭正楠、陳文媛、Cookies成員Stephy及Theresa等主角，慘被同劇演員羅泳嫻（吳啟華女友）、關伊彤及李彩寧等搶去不少風頭，皆因她們穿上短裙、大露背及低胸服飾 。 蕭正楠著泳褲派冰淇淋 蕭正楠被取笑拍劇吃盡女角冰淇淋時，他反駁說﹕「無呀﹗我著泳褲，她們食冰淇淋才真，她們多數穿比賽用、黑式一件頭泳衣為主，好多時都在水中﹗」這樣說不怕得罪她們﹖「她們個個都是靚女嘛﹗ 」 |
|
| 陳文媛肌膚慘變鴛鴦 色 | 蘋果日報 |
|
無新劇《戀愛自由式》昨日在電視廣播城開鏡拜神，陳文媛（BoBo）、 Mini Cookies的Theresa和Stephy被三線女演員包括關伊彤、李彩寧和羅泳嫻以性感裝束突襲，成功搶去風頭 。 以青春派偶像主演的無綫新劇《戀愛自由式》昨日在將軍澳電視廣播城舉行開鏡拜神儀式，劇中主要演員蕭正楠
、BoBo、四人女子組合Mini Cookies的Theresa和Stephy等均有出席。 |
|
| 《戀愛自由式》拜神儀式 | 星島日報 |
|
無綫劇集《戀愛自由式》昨日舉行拜神儀式，主角蕭正楠、陳文媛、Mini Cookies的Stephy、 Theresa、鄧萃雯等均有出席，但都穿得十分密實，反之其他女藝員則穿得十分性感，差點搶了一班主角的風頭 。 一向青靚白淨的Edwin明顯肥了不少，膚色亦黑了很多，他透露現在一日食四餐，連肚腩亦凸出來，幸好自己較高，所以才不會太明顯。問到劇中他是否需要游水﹖他說﹕「少囉﹗反而其他女仔就有﹗（咁你咪食冰淇淋﹖）冇﹗我哋好多時都分開拍，況且佢哋都係着一件頭，又唔係着比堅尼，冇乜點睇﹗」而BoBo亦因為拍劇皮膚曬到呈鴛鴦色，她說﹕「其實我唔曬唔黑。不過，就好容易出雀斑﹗ 」 |
|
| 蕭正楠拍劇拍到胸變大 | 點正娛樂 |
|
蕭正楠最近拍緊電視劇《戀愛自由式》，雖然套劇係個關於游水既故仔，但係蕭正楠就表示佢既角色係唔駛成日著泳衣架，亦可能最近拍劇既關係，可以成日食宵夜，Ｅｄｗｉｎ話，佢發覺自己肥左，就連個胸都大左！但係收料王所見，都唔見佢有肚腩ｏ丫！問Ｅｄｗｉｎ而家既體重係幾多磅呀？佢就表示自己以前係一百四十幾磅，而家就有約一百五十磅，肥左幾磅。 另外，雖然好多演員都話拍電視劇好辛苦，但係蕭正楠拍既《戀愛自由式》就唔同勒，因為佢成日都可以見到一班青春女演員著住泳衣ｏ丫嘛！眼睛食晒冰淇淋啦！而Ｅｄｗｉｎ就澄清話，其實響拍攝果陣，佢都唔係好睇到ｄ女仔著泳衣架咋！因為佢地著既唔係三點式泳衣，又會著住件風褸遮住，而當拍女仔落水戲果陣，佢就可能要拍其他場口，所以都好少見到女仔著泳衣。不過，Ｅｄｗｉｎ亦透露，因為最近既天氣唔係咁好，仲時不時都落雨，所以套劇既拍攝進度，都受到影響！ |
|
