|
2003.08.21 |
|
| 蕭正楠被同志性騷擾西裝友黐埋身捽手仔 | 成報 |
|
昨日Twins、Yumiko、蕭正楠（Edwin）、吳浩康、Sky及鄭融參與「903全運會」，與商台DJ隊比試羽毛球，賽事分為五局，分別由Edwin、Yumiko和鄭融作男、女單打，而Sky及Twins作男、女雙打，歌星隊全軍覆沒，捧蛋離場。昨日蕭正楠自爆幾年前曾被同志性騷擾，自此之後他與人握手都會加倍謹慎，以免再被性騷擾。 近日Edwin獲健身院贊助免費健身，前日他開始進行健身計劃及留鬚，務求在下月推出的新碟改變形象。早前他曾獲選為同志情人第六位，如今練大隻，莫非他希望在排行榜升級？Edwin笑說：「我係為配合新碟，唔係想練大隻，只係想練到啲線條靚啲。」在健身院有冇人對Edwin虎視眈眈？他表示：「咁又冇，不過好怕喺嗰度沖涼，個個都好大隻，又唔知佢哋性取向。」 言談間Edwin憶起一段不愉快經歷，他表示廿歲時曾被男性性騷擾，他說：「嗰次我喺灣仔一間商場搭扶手電梯，突然有人行埋嚟，係一個着西裝嘅男人貼埋我身，之後佢好熱情自我介紹兼想同我握手，當時我冇為意咪伸手同佢握手，點知發覺佢好唔自然咁邊握邊捽我隻手，我即時推開佢，同佢講：『你行開呀！』」 留下陰影自此之後，Edwin每逢與陌生人握手都非常謹慎，他自言極限是與同性握手，絕對不能接受被同性觸摸身體。試過被女仔捽手未？他說：「未試過，只不過有時畀熱情Fans抓損。」加入娛樂圈後，Edwin自言認識不少同性戀朋友，他表示只要對方對自己不存非分之想，絕對不會抗拒成為朋友。對於有同性戀組織大鬧教堂，Edwin認為他們可以做本身喜愛的事，但不應該騷擾別人，並提議他們日後以和平方式宣洩不滿。 歌星捧蛋
|
|
| 「903全運會」羽毛球賽 | 蘋果日報 |
|
Twins、Yumiko同蕭正楠昨天參加商台的「903全運會」羽毛球賽，雖然Twins的阿Sa在比賽前一晚特別抽時間練波，可惜實地作賽時，經常出現失球情況，最後負責女雙打的Twins，落得捧蛋收場
。 昨日Twins、鄭希怡（Yumiko）、蕭正楠（Edwin）和Sky等人組成歌星隊，一同在沙田與DJ隊比賽打羽毛球。歌星隊一面倒落後，雖然，Yumiko和Edwin在混合賽中，力挽狂瀾但仍未能扭轉敗局，最後兩隊經過五局比賽，歌星隊以○比五落敗 。 Edwin為了身形更有線條，故開始健身，問到在男同性戀排行榜名列前茅的他可試過被同性追求，他說：「讀書時期試過，有個男人搭𨋢時，佢突然主動自我介紹，同我握手唔肯放手，之後我咪叫佢行開。 」
|
|
| 蕭正楠遭男同志性騷擾 | 明報 |
|
蕭正楠（Edwin）練得一身肌肉，長滿鬍鬚﹗此乃他9月中推出新碟的造型﹗Edwin這個新Look很受同性戀者歡迎，更在「同志喜愛的明星榜」中佔十大位置
。 Edwin說﹕「20歲時乘搭電梯，被男同志性騷擾，對方甫入電梯，即挨近我身體，更握着我的手不放﹔直至我大力扯開手向對方呼喝『你行開』才能走甩。」Edwin坦言此經歷令他有陰影，自此若有男士對他較熱情，他即會保持距離。日前同志搗亂天主教堂，Edwin稱對方行為過激，雖然香港言論自由，但不應該騷擾到別人 。 鄭希怡擇偶一定要高 鄭希怡與蕭正楠做拍檔，是歌星隊中打得最好的一對，但全靠蕭正楠，鄭希怡的技術認真麻麻，她說﹕「因為我讀中三時已有170公分，家人怕我再高會嫁唔出，所以唔畀我打羽毛球。」鄭希怡稱揀男友一定要高過她呢 ﹗ |
|
