2003.08.24

飾演電視劇《戀愛自由式》中湯繼樂一角的蕭正楠，就讀聖公會聖紀文小學（長沙灣）時，已開始接觸田徑，升上聖芳濟各書院（石硤尾）後更成為「波癡」，甚有運動細胞的他更是頒獎台常客，而每個獎牌背後都勾 起Edwin未紅時的片段……

中學時代嶄露頭角

Edwin講起聖芳濟各書院的片段，真係非常興奮：「學界賽事既墟�R場面，到依家仲好記得，啦啦隊����聲，愈多人嗌我就跑得愈high！」

Edwin說：「我記得有一年陸運會，我 係o個d乜野項目都參加既活躍分子，四百米接力、千六米接力、跳高，成日都好唔得閒，其實我響一項比賽已有少少拗柴，但都撐住鬥埋最後一項接力。」Edwin一邊講，一邊回憶起當日的畫面 。

究竟拗柴有沒有影響Edwin表現呢？沒有，負責第三棒的他反而有意想不到的發揮，「我記得 我o個棒跑得好犀利，因為接棒時我包尾，但我狂跑，突然覺得個身好輕，對手在我身邊退後，我與領先既跑手叮噹馬頭，最後我地得到亞軍。」

Edwin特別多謝中學的體育老師 薛Sir，雖然他的中學未有太重視發展學生體育，不過卻給他鍛鍊出耐力及鬥志，更開心是與校隊，以至其他學校的運動員建立友誼。

大專時代與何君龍做隊友

於摩理臣山工業學院就讀電腦系的Edwin，與何君龍是田徑接力隊隊友，由於大家都是熱衷運動的分子，所以十分熟落，說到兩個大男孩訓練時的趣事，Edwin說：「佢跑得好快，練習時我跑第三棒交畀佢最後一棒，佢起動特別快，我嗌都嗌唔住。 」

「而且大家都鍾意唱歌，所以都會一齊去卡拉OK，仲試過一齊參加歌唱比賽。」Edwin得知阿龍剛去了英國讀書，都十分關心他的情況，臉上亦即時泛起燦爛的笑容 。

睇世界杯捱通頂　至愛紅魔鬼

講到踢波，Edwin更是眉飛色舞，為了睇世界杯直播，他三更半夜捱通頂，而巴西前國家隊前鋒白必圖及羅馬里奧，更是他年輕時的偶像 。

在校隊內也是司職前鋒的Edwin，最欣賞森巴足球技術，他說：「我最鍾意白必圖及羅馬里奧，巴西波腳法秀麗，個人技術好。 」

「記得九四及九八年世界杯撞o岩考試，我溫書溫到咁上下，就開電視睇直播，九四年決賽巴治奧射失十二碼，巴西贏意大利捧杯，我開心到大嗌，可惜屋企冇人陪我一齊高興。 」

唔應該賣走華朗
至於球會方面，Edwin就係正宗「紅魔鬼」曼聯躉，經常睇報紙留意轉會消息，對於今季陣容變動，Edwin說紅魔鬼不應該同時賣走碧咸同華朗，「走左佢地兩個後，球隊應搵一個穩陣既中場返黎，好過依家夾硬叫蘇斯克查打右翼。 」

Edwin以前亦有入場睇本地賀歲波，而平時就留意每星期的錄播片段。